सांसद अमात्यद्वारा निरिक्षण अनुगमन

3

बीरगंज २८ बैशाख ।  सांसद राजेन्द्र बहादुर अमात्यले आज आफनो क्षेत्रमा भइरहेको विकास निर्माणका कार्यहरुको स्थलगत निरिक्षण गर्नु भएको छ । आफनो क्षेत्र अन्तरगत भइरहेको विरगंज उपमहानगरपालिका वडा नम्बर १, २ र ३ मा धर्मशाला तथा छठघाट, नेरा प्रावि स्कुल, ताराचन्द्र स्कुल, कब्रिस्तान, गायत्री मन्दिरको धर्मशाला र सडक ढलान कार्यको स्थलगत निरिक्षण तथा अनुगमन गर्नु भएको छ । जनताबाट आएको सुझाव अनुसार विकास निर्माणको कार्यमा सदैव आफु लागिपर्ने प्रतिबद्धता सांसद अमात्यले त्यहा उपस्थित जनसमक्ष गर्नु भएको थियो । निरिक्षणका क्रममा नेपाली कांग्रेसका नगर अध्यक्ष भोला साह कलवार, दिना गुप्ता, मनोज साह, आनन्द गुप्ता, दिपेश श्रीवास्तव लगायतको उपस्थिति रहेको थियो ।