Home राजनीति तराईमा निर्वाचनको बातावरण बन्दै छ : उपाध्यक्ष गद्दी

तराईमा निर्वाचनको बातावरण बन्दै छ : उपाध्यक्ष गद्दी

by अंकुश दैनिक
1 views

पर्सा, २७ जेठ । सङ्घीय समाजवादी फोरम नेपालका उपाध्यक्ष एवम् सांसद लालबाबु राउत गद्दीले तराईमा दोस्रो चरणअन्तर्गतको स्थानीय तहको निर्वाचनको वातावरण बन्दै गएको बताउनुभएको छ ।

पहिलो चरणको निर्वाचन सम्पन्न भएपछि मधेसवादी दलका मुद्दाप्रति सरकारले देखाएको सकारात्मक दृष्टीकोणले तराईका जिल्लामा दोस्रो चरणको निर्वाचनको वातावरण बन्दैगएको उहाँले बताउनुभयो ।
सङ्घीय समाजवादी फोरम नेपाल पर्साले आज वीरगन्जमा आयोजना गरेको पत्रकार सम्मेलनमा उपाध्यक्ष गद्दीले सस्तो लोकप्रियताका लागि राष्ट्रिय जनता पार्टी नेपाल(राजपा)का नेताले निर्वाचनको विरोध गरिरहेको आरोप लगाउनुभयो ।

उहाँले तराईका जिल्लामा रहेका मतदाता मानसिक रुपमा निर्वाचनका लागि तयार भएकाले कसैले विरोध गर्दैमा निर्वाचन रोकिने अवस्था नरहेको बताउँदै स्थानीय तहको निर्वाचनलाई लिएर राजपाका नेताहरु नै विभाजित मनस्थितिमा रहेको दावी गर्नुभयो ।

सम्बन्धित पोस्टहरू

नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।

हाम्रो टिम

ताजा खबर

@2024 – All Right Reserved. Designed and Developed by Ads Bee Media Pvt. Ltd.