लागु औषध ईन्जेक्शन सहित दुई जना पक्राउ

15

बीरगंज, ३ असार ।  लागू औषध सहित दुई जनालाई जिल्ला प्रहरी कार्यालय पर्सा र लागू औषध नियन्त्रण ब्युरो शाखा कार्यालय बीरगंजको टोलीले पक्राउ गरेको छ ।
रक्सौलबाट बीरगंज आउदै गरेको निजगढ नगरपालिका वडा नं. ८ का गुडराज पराजुली र हेटौडा १५ बस्ने संतोष रेग्मीलाई लागू औषध ईन्जेक्शन फेनारगन २६ थान, डाईजेल्याब २६ थान र नुफिन २६ थान गरि जम्मा ७८ थान सहित पक्राउ गरीएको जिल्ला प्रहरी कार्यालय पर्साका प्रवक्ता प्रहरी नायब उपरिक्षक चक्रराज जोशीले बताउनु भयो । पक्राउ गरिएको ब्यक्तिहरुलाई थप अनुसन्धान गर्न जिल्ला प्रहरी कार्यालय पर्सामा राखिएको प्रवक्ता जोशीले बताउनु भयो ।