विद्यार्थीहरुलाई ब्याग वितरण

13

संतोष रन्जितकार
वीरगंज, २१ फागुन ।
पर्सा गढी नगरपालिका वडा नं.५ को कार्यालयले मदर्साहरुमा अध्ययनरत विद्यार्थीहरुलाई ब्याग वितरण गरेको छ । वडा नं. ५ मा रहेको मदरसा दोसतिया सलफिया र मदरसा वसुन्न वलकिताबमा अध्ययनरत कक्षा १ देखि ३ सम्मका २६५ जना विद्यार्थीहरुलाई वडा अध्यक्ष असलम आलमले मस्जिदमै पुगी मंगलबार एक कार्यक्रमका बिच व्याग वितरण गर्नु भएको हो । सो कार्यक्रमको अध्यक्षता गर्दै वडा नं. ५ का अध्यक्ष आलमले वडामा कुनै पनि बालबालिका पढाईबाट बञ्चित नहोस तथा पढदा पढदै बिचमै कुनै विद्यार्थीले पढाई नछोडुन भन्ने उद्देश्यका साथ ब्याग वितरण गरिएको बताए । वडाअध्यक्षले शिक्षाको विकासको लागि आफुले आफ्नो र वडा कार्यालयबाट कुनै कसर बाकि नराख्ने प्रतिबद्धता समेत जनाउनु भएको थियो । सो अवसरमा दोसतिया सलफिया मदर्साका प्रधानाध्यापक मुकतार मियाँ, मदरसा वसुन किताबका प्रधानाध्यापक गायत्री देवी चौधरी, वडा सचिव मोहन प्रसाद गौरो, स्थानिय एकबाल मियाँ, उमर मियाँ, वकिल मियाँ, सलुल्लाह मियाँ, अनवर आलम, जयरुल हवारी, बिरेन्द्र मण्डल लगायतको सहभागीता रहेको थियो ।