सम्झौताबारे सरकारले प्रष्ट्याउनु पर्छ ः वरिष्ठ नेता पौडेल

16

पोखरा, २६ फागुन (रासस) ः
नेपाली का·्रेसका वरिष्ठ नेता रामचन्द्र पौडेलले सरकारले सीके राउतसँग गरेको सम्झौताबारे जनतासमक्ष प्रष्ट्याउनुपर्ने बताउनुभएको छ । नेपाल प्रेस युनियन कास्कीको नवौँ जिल्ला अधिवेशनबाट निर्व्चाित नयाँ कार्यसमिति, प्रदेश एवम् केन्द्रीय पार्षद्को सम्मानार्थ का·्रेस कास्कीद्वारा आज आयोजित कार्यक्रममा उहाँले सम्झौताको भाषा प्रष्ट नभएको बताउनुभयो ।
प्रधानमन्त्रीकै उपस्थितिमा सीके राउतले सरकारले जनमत स·्रह स्वीकारेको भनेको उल्लेख गर्दै वरिष्ठ नेता पौडेलले राष्ट्रिय अखण्डता, अविभाज्यताजस्ता विषय भाषण गरेर मात्रै नहुने उल्लेख गर्नुभयो ।
पार्टीभित्रको एकता भावना र व्यवहारमा हुनुपर्नेमा जोड दिँदै उहाँले भन्नुभयो, हामी एक भयौँ भन्दैमा एकता हुने होइन, तातोपानीमा पौडी खेलेर एकता हुन्छ ? तातोपानीमा सँगसँगै डुब्यो भन्दैमा एकता भयो भनेर प्रचार गर्नुनपर्ने बताउँदै उहाँले मुद्दा, विषयवस्तुमा एकता हुनुर्नेमा जोड दिनुभयो । वरिष्ठ नेता पौडेल र सभापति शेरबहादुर देउवाले शनिबार म्याग्दीस्थित तातोपानी कुण्डमा सँगै नुहाउनुभएको थियो ।
राजनीतिमा स्थायी शत्रु र मित्रु नहुने भन्दै उहाँले स्थायी स्वार्थ रहिरहेसम्म एकता कायम हुन नसक्ने धारणा राख्नुभयो । पार्टीको समग्र सुधारका लागि आफूले कार्यतालीकासहित प्रस्ताव पेश गरेको बताउँदै उहाँले त्यसअनुरुप महाधिवेशनको तयारी गर्न आग्रह गर्नुभयो ।
का·्रेसका केन्द्रीय सदस्य शेखर कोइरालाले छ महिनामा १८ प्रतिशत मात्र विकास खर्च हुन सकेको बताउँदै उहाँले स्वतन्त्र न्यायपालिका, स्वतन्त्र प्रेस आदिमाथि हस्तक्षेप हुने गरेको आरोप लगाउनुभयो । केन्द्रीय सदस्य गुरुराज घिमिरेले इतिहास र कथाको चर्चाले मात्र पार्टीलाई अघि बढाउन नसकिने बताउँदै केन्द्रदेखि वडास्तरसम्म पार्टी स·ठनलाई मजबुत बनाउने गरी अघि बढ्नुपर्ने बताउनुभयो ।
का·्रेस कास्कीका सभापति कृष्ण केसीको सभापतित्वमा सम्पन्न कार्यक्रममा प्रेस युनियनका नव निर्व्चाित कार्यसमिति, प्रदेश एवम् केन्द्रीय पार्षद्लाई वरिष्ठ नेता पौडेलले खादा लगाएर सम्मान गर्नुभएको थियो ।