वाणिज्य बैंकद्वारा मालपोत कार्यालय परिसरमा एक्सटेन्सन काउन्टर स्थापना

19

संतोष रन्जितकार
वीरगंज, ८ जेठ ।
राष्ट्रिय वाणिज्य बैंक लिमिटेडले पर्सा जिल्लाको वीरगंज महानगरपालिका वडा न. ३ स्थित मालपोत कार्यालय परिसरमा एक्सटेन्सन काउन्टर स्थापना गरेको छ ।
शाखा कार्यालय वीरगंज मार्फत रहने सो एक्सटेन्सन काउन्टरबाट मालपोत कार्यालय पर्साबाट लिईने राजश्व, पूंजीगत लाभ कर, सेवा शुल्क तथा दस्तुर लगायतको रकम जम्मा गरिने छ । सो एक्सटेन्सन काउन्टरको समुदघाटन बैंकका प्रदेश नम्बर २ का निमित्त प्रमुख विश्वप्रकाश ज्ञवालीले गरेका थिए ।
बैंकको हाल ७ प्रदेश, ७७ जिल्लामा २१९ वटा शाखा कार्यालय, २३ वटा एक्सटेन्सन काउन्टर, १७२ वटा एटिएम र ९३ वटा शाखा रहित बैंकि· रहेको छ ।