Home समाचार मृतक परिवारलाई ३ लाख, राहत र उद्धारको लागि प्रत्येक जिल्लालाई १० लाख दिने ः प्रदेश सरकार

मृतक परिवारलाई ३ लाख, राहत र उद्धारको लागि प्रत्येक जिल्लालाई १० लाख दिने ः प्रदेश सरकार

by अंकुश दैनिक
2 views

जनकपुरधाम, २८ अषाढ ।
प्रदेश नं. २ को सरकारले बाढी पहिरोले भएको धनजनको क्षति प्रति गहिरो दुःख व्यक्त गर्दै मृतकका परिवारलाई ३/३ लाख रुपैया राहत उपलब्ध गराउने भएको छ ।
केही दिन यताको अविरल वर्षाले प्रदेश भरिकै जनजीवन अक्रान्त भएको बेला आज बसेको मन्त्री परिषदको आकस्मिक बैठकले राहत र उद्धार लाई निरन्तरता दिदै मृतक परिवारलाई राहत रकम उपलब्ध गराउने निर्णय गरेको हो ।
यसका साथै राहत तथा उद्धारका लागि प्रत्येक जिल्लाका विपद व्यवस्थापन समितिलाई तत्कालका लागि १० /१० लाख रुपैया उपलब्ध गराउने निर्णय समेत गरेको छ ।
मन्त्री परिषदको बैठकले हाल सम्म राहत तथा उद्धारमा खटिएका नेपाली सेना, नेपाल प्रहरी, सशस्त्र प्रहरी, स्वयंसेवकहरुलाई धन्यवाद दिदै राहत तथा उद्धारमा जुटन प्रदेश भरिका युवाहरुलाई आहृवान समेत गरेको छ ।
बाढी पहिरोका कारण सबै बाटोहरु अवरुद्ध भएको अवस्था राहत तथा उद्धारका लागि संघीय सरकार संग समन्वय गरेर हेलिकप्टर मंगाउने पहल भई रहेको सरकारका प्रवक्ता एवं आन्तरिक मामिला तथा कानून मन्त्री ज्ञानेन्द्र यादवले बताएका छन ।

सम्बन्धित पोस्टहरू

नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।

हाम्रो टिम

ताजा खबर

@2024 – All Right Reserved. Designed and Developed by Ads Bee Media Pvt. Ltd.