चलचित्र स्वर्णीम महोत्सव २०७६ सम्पन्न, नेपाली कलाकारहरु सम्मानित

मधेसको इतिहास माथि चलचित्र बनाएर राष्ट्रियतालाई बलियो बनाउनु पर्छ ः सांसद यादव

43

वीरगन्ज, २३ कात्तिक ।
पर्सा क्षेत्र नम्बर १ का सांसद प्रदिप यादवले देशको पुरै जनसंख्या मध्ये आधा जनसंख्या तराई मधेसको रहेकोले मधेशको भाषा, संस्कृति, सभ्याता र इतिहास माथी चलचित्र निर्माण गरेर राष्ट्रिय एकतालाई बलियो बनाउन नेपाली सिने जगतलाई अनुरोध गर्नुभएको छ । वीरगन्जमा आयोजित चलचित्र स्वर्णीम महोत्सवको २०७६ को शनिबार समापन समारोहमा बोल्दै सांसद यादवले यस्तो धारणा राख्नु भएको हो । उहाले ५० बर्षको ईतिहासलाई तोडदै पुरै चलचित्र जगत राजधानीको घेरा तोड्न सफल भएकोमा उहाले नेपाल चलचिक्र निर्माता संघलाई धन्यवाद व्यत्त गर्नुभयो । सांसद यादवले छापा र इलेक्ट्रोनिक भन्दापनि चलचित्र मिडिया सयौ गुणा सशक्त भएको बताउदै मधेसको इतिहास माथि चलचित्र बनाएर राष्टियतालाई बलियो बनाउन अनुरोध गर्नु भएको थियो । उहाले मधेसको सयौ युवाहरु सहादत भएकोले मधेसको माग र आन्दोलनलाई आधार बनाएर राष्ट्रियतालाई बलियो बनाउदै चलचित्र उधोगलाई अझ सशक्त रुपमा अगाडि बढाउन सकिने उहाको भनाइ रहेको थियो । अब नेपाली चलचित्रमा मधेशको भाषा, कला, संस्कृति, रहनसहन, इतिहास र वीरताको गाथा पनि समावेश हुनु पर्छ अनि मात्र मधेशमा नेपाली चलचित्रले सम्मान र स्थान पाउने वहाँले बताउनु भयो ।

मधेशको भूमी चलचित्र निर्माण र छायांकनका लागि उत्कृष्ट रहेकाले उनले मधेश र विशेष गरी वीरगन्जमा नेपाली चलचित्रको छायांकनका लागि नेपाली चलचित्र निर्माताहरुलाई आग्रह पनि गर्नुभयो ।
पर्सामा भएको यो स्वर्णिम महोत्सवले मधेस तराईलाई बुझ्ने सम्पुर्ण कलाकारहरुलाई ठुलो अवसर उपलब्ध जुडाइ दिएकोमा कार्यक्रमका आयोजकलाई नेता यादवले सम्पुण मधेसको तर्फबाट धन्यवाद ज्ञापन गर्नुभयो । वीरगन्ज महानगरका मेयर सरावगीले वीरगन्जमा महोत्सव आयोजना हुनु वीरगन्जको लागि पनि ठूलो अवसर भएकाले महोत्सवले नेपाली चलचित्रलाई मधेशमा पुनरागमन गर्न पनि सहज वातावरण बनेको बताउनु भयो ।

नेपाली चलचित्रका पुराना र नया कलाकारहरुको सम्मान तथा तीन वटा चलचित्र प्रदर्शनसंगै चलचित्र स्वर्णिम महोत्सव शनिबार सम्पन्न भएको छ । बुलबुल, आमा र शत्रुगते गरी ३ वटा चलचित्र प्रदर्शन गरिएका थिए । समापन समारोहमा नेपाली चलचित्र क्षेत्रमा विशिष्ट योगदान गर्ने अग्रज कलाकार ऋद्दीचरण श्रेष्ठ, वीरगन्ज घर भएकी नायिका नम्रता श्रेष्ठ, गायक एवम् संगितकार प्रसाद श्रेष्ठ, भोजपुरी एवम् नेपाली चलचित्रका नायक प्रदेशी साह समेतलाई कार्यक्रममा सम्मानित गरिएको थियो । समारोहका प्रमुख अतिथि सांसद प्रदीप यादव, विशिष्ट अतिथि वीरगन्ज महानगरका मेयर बिजय कुमार सरावगी, बरिष्ठ कलाकार नीर शाहले उनीहरुलाई सम्मान–पत्र तथा खादा ओढाई सम्मानित गर्नुभएको थियो ।
वीरगन्ज उद्योग वाणिज्य संघका बरिष्ठ उपाध्यक्ष सुबोध कुमार गुप्ता, समाजवादी पार्टीका जिल्ला अध्यक्ष रामनरेश यादव, वीरगन्ज उद्योग वाणिज्यका पूर्व अध्यक्ष अशोक वैद्य, प्रदेश सभा सांसद ओमप्रकाश शर्मा लगायतकाले आयोजकले महोत्सवका लागि अर्थिक नगरी वीरगन्जलाई चयन गरेकोमा धन्यवाद ज्ञापन गर्दै भविष्यमा पनि यस्ता कार्यक्रम वीरगन्ज ल्याए मधेसलाई राष्ट्रिय मुलधारमा जोडन आ–आफ्नो क्षेत्रबाट सक्दो सहयोग र समर्थन गर्ने प्रतिबद्धता जाहेर गरेका थिए ।