सुफ्फह आइडियल एकेडमी स्कुलको नयाँ भवनको शिलान्यास सम्पन्न

संतोष रन्जितकार
वीरगंज, २५ कार्तिक ।
सुफ्फह आयडियल एकेडमी (इस्लामिक स्कूल) को नयाँ भवनको शिलान्याश सम्पन्न भएको छ । भएको छ ।
सो शिलान्याश नेकपा बीरगंजका महानगर अध्यक्ष कमरेड रहबर अन्सारीको प्रमुख आतिथ्यमा बीरगंज महानगरपालिकाको वडा नं. १४ स्थित बहुअरीमा सम्पन्न भएको हो ।
महानगर अध्यक्ष अंसारीले सकारात्मक सोचका साथ आफनो बालबालिकाहरुलाई पढाऔ जो देशका असल नागरिक बन्न सकोस भने अभिभावक, शिक्षकहरु तथा व्यवस्थापन पक्षलाई सुझाएका थिए । उनले अशिक्षित मानिस भएमा देश विकाशमा कुनै सहयोग हुन नसक्ने बताए ।
त्यसैगरि इस्लामी संघ नेपालका पर्सा जिल्ला अध्यक्ष जमिल अख्तरले इस्लामी शिक्षा बारे प्रकाश पार्दै आजको युगमा आधुनिक शिक्षाको पनि त्यति नै आवश्यक्ता छ त्यसैले हामी इस्लामिक शिक्षा र सरकारी स्तरका शिक्षालाई समावेश गरिएको व्यहोरा जानकारी गराएका थिए ।
ऊक्त शिलान्याश कार्यत्रम कुरानको पाठबाट शुरु गरेर विद्यार्थीहरुले इस्लामीक तराना सहित राष्ट्रिय गान पनि गाएका थिए भने इस्लामि संघ नेपाल तथा अलहेरा एजुकेशन सोसायटीका सदस्य भोला मिया अन्सारीको अध्यक्षता रहेको थियो ।
जसमा इस्लामी संघ नेपालका प्रदेश अध्यक्ष मुज्तुबा अन्सारी, सुफ्फह आइडियलका संस्थापक अध्यक्ष डा मुजतबा अन्सारी, अलहेरा एजुकेशन सोसायटीका पर्साका ई. नुरुलहोदा आलम, समाजसेवी ग्यासुदिन मिया, इजहार अन्सारी, इजराइल अन्सारी, वडा नं. १४ का वडा सदस्य रफिक अन्सारी, कन्सट्रक्सन कम्पनीका मैनेजर दिलिप कुमार श्रीवास्तव, राम भजन गुप्ता लगायत शिक्षक शिक्षिका, अभिभावक र विद्यार्थीहरुको उल्लेखनिय सहभागिता रहेको थियो ।
अलहेरा एजुकेशनल सोसायटीको मातहतमा रहेका सुफफह आयडियल स्कूलको भवन निर्माणको लागि करिब २ करोड २४ लाख आर्थिक सहयोग इस्लामिक डेभलोपमेन्ट बैंक, सउदी अरबीयाले गरेको हो भने कार्यक्रमको सहजीकरण मौलाना अशरफ फलाहीले गरेका थिए ।

Get real time updates directly on you device, subscribe now.