तस्करीको छोहडा सहित ४ मोटरसाईकल पक्राउ

58

संतोष रन्जितकार
वीरगंज, १८ माघ ।
नेपालबाट अवैध रुपमा भारततर्फ लैजांदै गरेको अवस्थामा छोहडासहित चर वटा मोटरसाईकल प्रहरीले नियन्त्रणमा लिएको छ ।
बीरगन्ज महानगरपालिका १६ नगवाबाट भारतको रक्सौलतर्फ लैजांदै गरेको अवस्थामा चार वटा मोटरसाईकलमा रहेको आठ बोरा छोहडा प्रहरीले बरामद गरेको हो ।
ज २ प ८४२३, ना १ प ५४८३, बीआर ०५ एम ६४६२ र बीआर ०५ एस ४७०१ नम्बरको भारतीय मोटरसाईकलसहित अन्दाजी दुई लाख ३२ हजार मुल्य बराबरको चार क्विन्टल छोहडा बरामद भएको पर्सा प्रहरीले जनाएको छ ।
यसैगरी प्रदेश नम्बर २ प्रहरी कार्यालय जनकपुर र जिल्ला प्रहरी कार्यालय पर्साको संयुक्त टोलीले वीरगन्ज महानगरपालिका वडा नम्बर ५ बस्ने कोमल गुप्ताको घरबाट अवैध रुपमा भारतबाट भित्रयाईएको पाँच लाख मुल्य बराबरको शर्टि· सुटि· कपडालगायतका सामाग्रीहरु बरामद गरेको छ ।
भारतबाट अवैध रुपमा भन्सार छलेर गुप्ताको घर भाडामा लिएर भण्डारण गरि राखिएको अवस्थामा जुता, विभिन्न शर्टि· सुटि·का कपडा, ईलेक्ट्रोनिक सामाग्री गरी पाँच लाख मूल्य बराबरको तस्करीको मालसमान बरामद गरिएको प्रहरीले जनाएको छ ।
बरामद गरिएको छोहडा, मोटरसाईकलसहित मालसमानहरुलाई आवश्यक कारवाहीको लागि वीरगन्ज भंसार कार्यालयमा बुझाईएको जिल्ला प्रहरी कार्यालय पर्साका प्रहरी उपरिक्षक सोमेन्द्रसिंह राठौरले जानकारी दिनुभएको थियो ।