थप ११६ मा कोरोना संक्रमण पुष्टि, ६९७ जना डिस्चार्ज

21

काठमाडौँ, ३१ असार (रासस) :
नेपालमा थप ११६ जनामा कोरोना सड्ढ्रमण पुष्टि भएको छ । स्वास्थ्य तथा जनसंख्या मन्त्रालयद्वारा आज यहाँ आयोजित नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले पछिल्लो २४ घण्टामा देशभरिका २६ वटा प्रयोगशालामा पाँच हजार ९० जनाको पीसीआर परीक्षण गर्दा उक्त संख्यामा कोरोना सड्ढ्रमण पुष्टि भएको जानकारी दिनुभयो । यो सँगै सड्ढ्रमितको संख्या १७ हजार १७७ पुगेको छ । तीमध्ये छ हजार ११४ जना सक्रिय सड्ढ्रमित छन् ।
प्रवक्ता डा गौतमका अनुसार आज देखिएका सड्ढ्रमितमध्ये सुर्खेतमा २८, सप्तरीमा १३, नवलपरासी (पूर्व)मा ११, म्याग्दीमा नौ, चितवनमा आठ, काठमाडौँमा सात, धनुषामा छ, रौतहटमा पाँच तथा कास्की, तनँहु, सल्यान र दैलेखमा तीन/तीन जना रहेका छन् । यस्तै डडेल्धुरा, जुम्ला र सल्यानमा दुई/दुई जना तथा धनकुटा, मोरङ, ताप्लेजुङ, नुवाकोट, सिन्धुपाञ्चोक, धादिङ, पाल्पा, गोरखा, अछाम, जाजरकोट र मुगुका एक/एक जनामा जनामा कोरोना सड्ढ्रमण पुष्टि भएको छ ।
यसैगरी आजै देखिएका सड्ढ्रमितध्ये प्रदेश तहमा प्रदेश नं.१ मा तीन, प्रदेश नंं २ मा २४, वाग्मतीमा १८, गण्डकीमा २७, प्रदेश नंं ५ मा एक, कर्णालीमा ४० र सुदूरपश्चिम प्रदेशमा तीन छन् ।
प्रवक्ता डा गौतमका अनुसार पछिल्लो २४ घण्टामा कोभिड–१९ बाट सड्ढ्रमित मुक्त भई डिस्चार्ज हुनेको संख्या ६९७ रहेको छ । हालसम्म डिस्चार्ज हुनेको संख्या ११ हजार २५ रहेको उहाँले बताउनुभयो । डिस्चार्ज हुनेको संख्या कूल सड्ढ्रमितको ६४.२ प्रतिशत हो ।आज मात्र भोजपुर, मनाङ, मुस्ताङ र हुम्ला सड्ढ्रमित मुक्त जिल्ला भएका हुन् । अहिले २४ हजार ५२७ जना क्वारेन्टिनमा र ६ हजार ११३ जना आइसोलेशनमा रहेका छन् ।