कविताः कोरोना विशेष

88

कविताः
कोरोना विशेष

कोरोनाले पाठ सिकायो
जीवन जिउने आयाम देखायो
कोहि जान्नन साथमा कसैको
मायामोह हो जाल झुक्यायो

कोरोनाले ल्यायो कस्तो विपति
सबमा लुकेको मुखौटा उठायो
प्रकृतिको शक्ति अपार जगमा
सारा संसार यसले झुकायो

कोरोनाको नाममा हेर आज
भ्रष्टाचार र बेईमानी मौलायो
गरिबको गाँस खोसेर यहाँ
ठगि खानेलाई धनि बनायो

कोरोनाले दिएको सन्देश राम्रो
स्वास्थ्य नै धन भन्ने बुझायो
हामी रहे सुन्दर सृष्टि छ
जीवन यो अनमोल सम्झायो

कोरोना हटेर जान्छ अवश्य
मानवतालाई पनि जोगाओ
अहिले कोहि नचाहिए पनि
बाँचे परिवार साथमा रमाओ।

दीक्षा सुवेदी
बिरगंज ,पर्सा