अब पाइपलाइनबाट पेट्रोल पनि ल्याइने

73

वीरगञ्ज, २५ मङ्सिर :

मोतिहारी-अमलेखगञ्ज पेटूोलियम पाइप लाइनबाट अगामी एक वर्षभित्र पेटूोल ल्याउन गृहकार्य शुरुआत गरिएको छ । यसअघि विसं २०७६ भदौदेखि भारतको मोतिहारीबाट पाइप लाइनमार्फत अमलेखगञ्जस्थित नेपाल आयल निगमको डिपोमा डिजल ल्याउन थालिएको थियो । अब एक वर्षभित्र सोही पाइप लाइनमार्फत पेटूोल ल्याउन गृहकार्य शुरु गरिएको हो ।
निगमको सञ्चालक समितिले मोतिहारीबाट पेटूोल पनि ल्याउन निगमलाई स्वीकृति दिएपछि काम अगाडि बढाइएको र यसका लागि भारतीय आयल निगम (आइओसी)सँगकुराकानी भइरहेको निगम प्रदेश नं २ को प्रादेशिक कार्यालय अमलेखगञ्ज बाराले जनाएको छ ।
कार्यालयका प्रमुख भरत रेग्मीले भन्नुभयो, “४२ लाख लिटर पेटूोल भण्डारण गर्ने क्षमताको दुईवटा पेटूोल टयाङ्की अमलेखगञ्ज डिपोमा तयार भइरहेको छ । दुई टयाङ्कीमध्ये एउटा टयाङ्की भारत सरकारले बनाउन लागेको छ भने एउटा टयाङ्की आयल निगमले आफैँ बनाउने छ ।” टयाङ्की निर्माण भएपछि एकपटकमा २४ टयाङ्करमा स्वचालित उपकरणबाट तेल हाल्न सकिने छ । टयाङ्की आगो नलागोस् भनेर तथा आगो लागेपछि सो आगो निभाउन ३०/३० लाख गरी पानी भण्डारण गर्ने दुईवटा टयाङ्की तयार हुनेछ । साथै अत्याधुनिक प्रयोगशाला र २४ भ्याकरमा एकैपटक पेटूोल लोड अनलोड गर्ने काम हुनेछन् ।
नेपाल सरकारको करिव रु दुई अर्ब को लागतमा निर्माण भइरहेको सो पाइप लाइनमा अन्तर्राष्टिूय गुणस्तरको पाइप जडान गरिएको छ । साथै निर्माण भइरहेको पेटूोल टयाङ्करमा स्वचालित उपकरणबाट जाँच गर्न सकिने जनाइएको छ ।
पाइप लाइनमा पेटूोल ल्याउन मोतिहारी तर्फ काम सम्पन्न भइसकेको बताइएको छ । भारतीय आयल कर्पोरेशन लिमिटेडले मोतिहारीमा भर्टिकल टयाङ्क निर्माण गर्ने काम शुरु गरेको छ । यसैगरी अमलेखगञ्जस्थित निगमको कार्यालयमा पेटूोल आपूर्ति गर्नका आवश्यक पर्ने पूर्वाधारको काम अगाडि बढाइएको छ ।
कार्यालय हाताभित्र पश्चिमतर्फ रहेको छ बिघा क्षेत्रफलमा रहेको खाली जग्गामा आवश्यक कामहरू हुनेछन् । अहिले सो पाइपबाट भारत विहारको पटनामा पम्पिङ गरेर अमलेखगञ्ज डिपोमा डिजल आउने गरिएको छ । मोतिहारीमा पेटूोल ल्याउने काम सम्पन्न भएपछि त्यहीबाट पम्पिङ गरेर पेटूोल पनि ल्याइने छ । प्रतिघण्टा तीन लाखदेखि चार लाख लिटरसम्म पेटूोल आपूर्ति गर्न सकिने जनाइएको छ ।
पाइप लाइनबाट पेटूोल आपूर्ति हुन थालेपछि ढुवानी खर्चमा बचत , प्राविधिक नोक्सानीको अन्त्य, शुद्धता कायम, चुहावट र मिसावट अन्त्य, प्रदूषण तथा वातावरणमा हुने क्षतिको अन्त्य, भन्सार नाकामा हुने टयाङ्करको चापसमेत अन्त्य र पेटूोलको अभाव पनि अन्त्य हुने विश्वास गरिएको छ । (रासस)