वीरगंज उद्योग वाणिज्य संघका कर्मचारी तथा बैंकर्स ग्रुपद्वारा केडिया र गुप्ता सम्मानित

139

संतोष रन्जितकार
वीरगंज, १ पुस ।
वीरगंज उद्योग वाणिज्य संघका अध्यक्ष तथा वरिष्ठ उपाध्यक्षलाई वीरगंज उद्योग वाणिज्य संघले एक कार्यक्रमको आयोजना गरी स्वागत तथा सम्मान गरेको छ । संघका अध्यक्ष गोपाल केडिया तथा वरिष्ठ उपाध्यक्ष सुबोध गुप्तालाई संघले स्वागत तथा सम्मान गरेको हो ।
अध्यक्ष केडिया एवं वरिष्ठ उपाध्यक्ष गुप्ताले नेपाल उद्योग वाणिज्य महासंघको गत मंसिर १३ गते भएको निर्वाचनमा सदस्य पदमा विजयी भएपछि नवनिर्वाचित दुवै केन्द्रिय सदस्यलाई बीरगन्ज उद्योग वाणिज्य संघका कर्मचारीहरुले स्वागत तथा सम्मान गरेका थिए । जिल्ला तथा नगर उद्योग वाणिज्य संघको खुला तर्फबाट कार्यकारणी सदस्यमा निर्वाचित भएका बीरगन्ज उद्योग वाणिज्य संघका अध्यक्ष गोपाल केडिया र वस्तुगत संघ संस्थाबाट कार्यकारणी सदस्यमा निर्वाचित भएका संघका वरिष्ठ उपाध्यक्ष सुबोध कुमार गुप्तालाई वीरगञ्ज बैंकर्स ग्रुपका अध्यक्ष रोशन भक्त श्रेष्ठ लगायत विभिन्न बैंकबाट आएका प्रबन्धक एवम प्रतिनिधिले बुधबार एक समारोहका बीच स्वागत एवम् सम्मान गरेका थिए । कार्यक्रममा बिरगंज उधोग बाणिज्य संघका कर्मचारी तथा पदाधिकारी समेतको उपस्थित रहेको थियो ।