संसद विघटन विरुद्ध नेपाली कांग्रेसद्वारा देशव्यापी रुपमा प्रदर्शन, पर्साका १४ वटै पालिकाहरुमा विरोध तथा र्‍याली प्रदर्शन

25

संतोष रन्जितकार
वीरगंज, ३ माघ ।
संसद विघटन विरुद्ध नेपाली कांग्रेसले देशैभरिका पालिकाहरुमा विरोध प्रदर्शन गरेको छ । संसद पुर्नस्थापनाको माग गर्दै नेपाली कांग्रेसले देशैभरिका ७ सय ५३ स्थानिय तहहरुमा प्रदर्शन गरेको हो ।
सोही विरोध कार्यक्रम अन्तर्गत पर्साको १४ वटा पालिकाहरुमा पनि प्रदर्शन गरिएको छ । प्रधानमन्त्रीसँग हुँदै नभएको अधिकार प्रयोग गरि भएको संसद विघटनको कदम असंवैधानिक भएको भन्दै नेपाली कांग्रेस आन्दोलित छ । शनिबार पर्साका १४ वटा पालिकामा रहेको कार्यसमितिहरुले आ ( आफ्ना पालिकाहरुमा प्रदर्शन गरेका हुन् ।
केन्द्रिय कार्यक्रम अनुसार भएको दोस्रो चरणको आन्दोलन अन्तर्गत बीरगन्जमा विरोध र्याली निकालिएको थियो ।
नेपाली का·्रेस पर्साका सभापति अजय कुमार द्विवेदीको नेतृवमा पार्टीले बीरगन्ज महानगरपालिकामा वृहत र्‍यालीसहितको विरोध प्रदर्शन गरेको हो ।
घण्टाघरबाट सुरु भएको र्‍याली नगरको विभिन्न स्थान पुगेर पुन: घण्टाघरमा कोणसभामा परिणत भएको थियो । र्‍यालीमा प्रधानमन्त्री ओली, राष्ट्रपति भण्डारी र नेकपा सरकार विरुद्ध कांग्रेसका कार्यकर्ताहरुले चर्को नाराबाजी समेत गरेका थिए ।
कोणसभालाई सम्बोधन गर्दै वक्ताहरुले प्रधानमन्त्री ओली निरंकुशता तर्फ उन्मुख भएको आरोप लगाएका थिए ।
संविधानको धज्जी उडाउँदै गरिएको संसद विघटनको कदम असंवैधानिक भएको वक्ताहरुको प्रतिक्रिया थियो ।
र्‍यालीमा पूर्वमन्त्री अजय चौरसिया, प्रदेशसभा सदस्य ओमप्रकाश सर्राफलगायत पार्टीका अन्य नेता कार्यकर्ता, विद्यार्थी स·ठनका सदस्यहरुको उपस्थित रहेको थियो ।