Home अन्तर्राष्ट्रिय बेलायतमा समुदायस्तरमा फैलियो ओमिक्रोन

बेलायतमा समुदायस्तरमा फैलियो ओमिक्रोन

by अंकुश दैनिक
0 views

एजेन्सी

लन्डन्, २१ मंसिर

बेलायतमा काेभिडकाे नयाँ भेरियन्ट अ‌ाेमिक्राेन समुदायस्तरमा फैलिएकाे छ । यहाँ एकै दिन अ‌ाेमिक्राेनका सयाैं बिरामी भेटिन थालेका छन् । संसदलाई सम्बाेधन गर्दै स्वास्थ्यमन्त्री सजिद जाभिदले नयाँ भेरियन्ट समुदायस्तरमा फैलिएकाे बताएका छन् । पछिल्लाे तथ्या‌कअनुसार बेलायतमा २६१, स्कटल्यान्डमा ७१ र वेल्समा चार जनामा अ‌ाेमिक्राेन देखिएकाे छ ।

पछिल्ला संक्रमण दरकाे अन्तर्रााष्ट्रय यात्रासँग कुनै सम्बन्ध नरहेकाे उनले बताएका छन् । ‘अब अ‌ाेमिक्राेन बेलायतका विभिन्न क्षेत्रमा समुदाय तहमा फैलिसकेकाे छ ,’ उनले भने । बेलायतले दक्षिण अफ्रिकाका विभन्न देशमाथि यात्रा प्रतिबन्ध लगाएकाे छ । तर, ओमिक्राेनका बिरामीमा सामान्य लक्षण देखिएकाे समाचारमा जनाइएकाे छ ।

नयाँ भेरियन्टकाे असर र अहिले प्रचलित खाेपले भेरियन्टविरुद्ध काम गर्ने नगर्ने वारेमा वैज्ञानिकहरुले अनुसन्धान गरिरहेका छन् । नयाँ भेरियन्ट नेपाललगायत ४३ देशमा फैलिसकेकाे छ । भेरियन्ट फैलिएसँगै विभिन्न देशहरुले प्रतिबन्धात्मक व्यवस्था लागू गरेका छन् ।

सम्बन्धित पोस्टहरू

नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।

हाम्रो टिम

ताजा खबर

@2024 – All Right Reserved. Designed and Developed by Ads Bee Media Pvt. Ltd.