Home अन्तर्राष्ट्रिय टर्की र सिरिया भूकम्प अपडेट: मृत्यु हुनेको संख्या २० हजार पुग्यो

टर्की र सिरिया भूकम्प अपडेट: मृत्यु हुनेको संख्या २० हजार पुग्यो

by अंकुश दैनिक
0 views

एजेन्सी ।

टर्की र सिरियामा गत साेमबार गएको भूकम्पमा परेर मृत्यु हुनेको संख्या २० हजार पुगेको छ ।

भूकम्प गएको ५ दिन भइसक्दा समेत पीडितहरुले प्रभावकारी रुपमा उद्दार तथा राहत नपाएको भन्दै विभिन्न मानवअधिकारवादी संस्थाहरुले त्यहाँकाे सरकारको आलोचना गरेका हुन् । भूकम्पमा परेर क्षतिग्रस्त भएका भग्नावशेषहरु पन्छाउने क्रम जारी रहेकाले मृतकको संख्या अझै बढ्न सक्ने अधिकारीहरुले जनाएका छन् । टर्कीको प्रकोप एजेन्सीले आफ्ना १७ हजार ४ सय भन्दा बढी नागरिकको मृत्यु भएको जनाएको छ ।

उद्धारकर्ताहरुले टर्कीको अडानास्थित भग्नावशेषबाट ४५ वर्षीय घाइते पुरुषको जीवित्तै उद्धार गरेका छन् । यसअघि टर्कीकै अन्टाक्यामा पनि २ वर्षीय बालक र दियारबाकिरमा ८ वर्षिय बालक जीवितै फेला परेका थिए । दुवै बालक करिब ८० घण्टा भग्नावशेषमुनि पुरिएको अधिकारीहरुले बताएका छन् ।
त्यस्तै सिरियामा भने मृत्यु हुनेको संख्या ३ हजार ३ सय १७ जनाको मृत्यु भएको त्यहाँका अधिकारीहरुले बताएका छन् ।

उद्दारको प्रयास जारी रहेका बेला टर्कीका विभिन्न सहरबाट हजारौं सर्वसाधारणलाई घरबाहिर निकालिएको अन्तर्राष्ट्रिय समाचार संस्थाहरुले जनाएका छन् । भूकम्प गएलगत्तै विभिन्न दातृ निकायलगायतका संघ संस्था र मुलुकहरुबाट सोही भूकम्प प्रभावितहरुका लागि विभिन्न सहायता सामग्री संकलन हुने क्रम जारी छ । त्यसैगरी विभिन्न मुलुकले सैन्य अधिकारी र स्वयंसेवकहरु पनि उद्दार तथा पीडितको सहायताका लागि टर्की र सिरिया पठाइरहेका छन् ।

टर्कीको संसदले भूकम्प प्रभावित १० वटा प्रान्तमा ३ महिनाको आपत्कालीन अवस्थाको घोषणा गरेको छ ।

सम्बन्धित पोस्टहरू

नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।

हाम्रो टिम

ताजा खबर

@2024 – All Right Reserved. Designed and Developed by Ads Bee Media Pvt. Ltd.