Home समाचार कालोपत्रे,नाला र कल्भर्ट निर्माण कार्यमा लापरबाही

कालोपत्रे,नाला र कल्भर्ट निर्माण कार्यमा लापरबाही

by अंकुश दैनिक
0 views

सत्येन्द्र प्रताप सिंह,
रौतहट ।
रौतहटको देवाहीगोनाही नगरपालिका वडा नम्बर ६ को निर्वाचन क्षेत्र रणनैतिक सडक विकास कार्यक्रम अन्तर्गत अहिले नाला निर्माणको काम चलिरहेको छ । नाला निर्माणमा भने लापरबाही भएको स्थानीयले बताएका छन् । कर्कचको ऐलानी पोखरी नजिकैको नाला निर्माणमा स्टिमेट अनुसार काम नगरेको भन्दै स्थानीयले विरोध जनाएका छन् ।
नाला निर्माणको क्रममा सोलीङ्ग र ढलानमा स्टिमेट अनुसार नगरेको स्थानीयको आरोप छ । १५ से.मि.सोलीङ्ग गर्नुपर्नेमा ४ से.मि.गरेको र ढलानमा १० से.मि.सोलीङ्ग गर्नुपर्नेमा ५ से.मि.गरेको भन्दै उनीहरुले विरोध जनाएका हुन् ।
सडक विस्तारको ठेक्का साहु कन्सट्रक्सन पतौरा ५ ले लिएको छ । सडक डिभिजन चन्द्रनिगाहपुरको बजेटमा धनसर कटहरिया कर्कच सडकमा कालोपत्रे,नाला र कल्भर्ट निर्माण कार्य काम भइरहेको छ । करिब ४ करोड ९८ लाख ५५ हजार ५६८ रुपैयामा ठेक्का साकार भइ काम भइरहेको छ । सो काम २०८० भदौ १४ गते सम्म निर्माण कार्य सम्पन्न गर्नु पर्ने समझौता पत्रमा उल्लेख रहेको छ । सो विकास निर्माणको काममा गुणस्तरीय काम गर्न स्थानीयहरुले खबरदारी गराएका छन् ।
पेटी ठेकेदार धर्मेन्द्र यादवको मिलोमतोमा गुणस्तरहिन काम भइरहेको स्थानियहरुको आरोप छ । यता पोखरिको छेउमा नै निर्माण भइरहेको कल्भर्ट निर्माणको काममा कमसल सामाग्री प्रयोग भइरहेको,स्टिमेट अनुसार काम नभइरहेको स्थानिय सुरेश कुशवाहाको आरोप छ ।
निर्माण व्यवसायीले भने स्टिमेटअनुसार नै नाला निर्माण काम भइरहेको दाबी गरिरहेका छन् । उनीहरुले भने स्थानीयको खबरदारीलाई सकारात्मक रूपमा लिएका छौँ, नाला निर्माणमा काम गरिरहेका कामदारहरु लाइ स्टिमेट अनुसार काम गर्न भनिसकिएको बताएका छन् ।

सम्बन्धित पोस्टहरू

नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।

हाम्रो टिम

ताजा खबर

@2024 – All Right Reserved. Designed and Developed by Ads Bee Media Pvt. Ltd.