Home समाचार प्रमुख प्रशासकिय अधिकृत हाजिर नै नगराई मन्त्रालय फर्काइयो

प्रमुख प्रशासकिय अधिकृत हाजिर नै नगराई मन्त्रालय फर्काइयो

by अंकुश दैनिक
0 views

सत्येन्द्र प्रताप सिंह,
रौतहट ।
यमुनामाई गाँउपालिकामा आएका कर्मचारीलाई हाजिर नगराई फिर्ता पठाएको छ । संघिय मामिला तथा सामन्य प्रशासन मन्त्रालय, स्थानिय तह कर्मचारी प्रशासन शाखालाई गाँउपालिकाले पत्र पठाएर कर्मचारी फिर्ता पठाएको जानकारी दिएको हो ।


मन्त्रालयबाट मंसिर २२ गते चं. नं ११९६ को पत्र बमोजिम मन्त्रालयबाट प्रमुख प्रशासकिय अधिकृतको रुपमा कर्मचारी संकेत नं. १९४९३३ को ओम प्रकाश यादवलाई काम काजका लागि खटाएको थियो । यादवलाई खटाएको बिषयमा गाँउपालिकाले गम्भिर ध्यानकर्षण भएको भन्दै फिर्ता पठाएका पत्रमा उल्लेख गरेको छ । तिनै तहको सरकार मध्ये जनतासंग प्रत्यक्ष जोडिएको स्थानिय सरकारको सहमति बिना, हप्तै पिछे प्रमुख प्रशाकिय अधिकृत फेरवदलको कामले सेवा प्रवाहमा असर परेको गाँउपालिकाका अध्यक्ष महमद सउदद्धारा हस्ताक्षरित पत्रमा उल्लेख गरिएको छ ।
पालिकाको कामकाजमा अवरोध हुँदा नकरात्मक सन्देश गएको भन्दै यस्ता किसिमका कार्यले पालिकाबासीलाई निरास बनाएको उनको बुझाई छ । यमुनामाई गाँउपालिकामा प्रमुख प्रशासकिय अधिकृत आफु निकटका ल्याउनका लागि यहाँका नेताहरु राजधानी सम्म पुग्ने गरेको उनको भनाई छ । संघिय मामिला तथा सामन्य प्रशासन मन्त्रालयबाट खटाईएको कर्मचारी यादवलाई कामकाजमा खटाउन असमर्थ भएकाले हाजिर नगराई फिर्ता पठाएको व्यहोरा सहितको पत्र पठाएको यमुनामाई गाँउपालिका अध्यक्षले जनाए ।

सम्बन्धित पोस्टहरू

नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।

हाम्रो टिम

ताजा खबर

@2024 – All Right Reserved. Designed and Developed by Ads Bee Media Pvt. Ltd.