Home समाचार स्व .मीन कुमारी राणा प्रतिष्ठानद्वारा पुरस्कार तथा छात्रवृत्ति वितरण

स्व .मीन कुमारी राणा प्रतिष्ठानद्वारा पुरस्कार तथा छात्रवृत्ति वितरण

by Ankushdaily
12 views

काठमाडौँ ।

स्व .मीन कुमारी राणा प्रतिष्ठानले विभिन्न क्षेत्रका तीन जनालाई सम्मान पुरस्कृत गरेको छ ।  स्व. राणाको दोस्रो पुण्य तिथिका अवसरमा बिहीबार राष्ट्रपति कार्यालयमा आयोजना गरिएको एक समारोहमा  प्रमुख अतिथि राष्ट्रपति रामचन्द्र पौडेलको हातबाट वरिष्ठ पत्रकार किशोर नेपाललाई राष्ट्रिय पत्रकारिता पुरस्कार ,  पूर्व सांसद लेखनाथ न्यौपानेलाई  प्रजातन्त्र सेनानी पुरस्कार र राष्ट्रिय बक्सिङ खेलाडी  तथा प्रशिक्षक प्रकाश थापा मगरलाई राष्ट्रिय खेलकुद पुरस्कारबाट पुरस्कृत गरिएको हो ।  

उनीहरूलाई नगद राशि  जनही ५१ हजार सहित दोसल्ला र सम्मान पत्रबाट सम्मान गरिएको हो । त्यसै गरी भक्तपुर स्थित आदर्श माध्यमिक विद्यालयलाई गत वर्ष जस्तै यस वर्ष पनि  प्रतिष्ठानको तर्फ बाट ५१ हजार छात्रवृत्ति प्रदान गरिएको थियो । समारोहमा प्रतिष्ठानका सल्लाहकारहरू प्रा डा ध्रुवचन्द्र  गौतम , वरिष्ठ पत्रकार द्वय हरिहर विरही र माथवरसिंह बस्नेतलाई पनि सम्मान गरिएको थियो । 

प्रतिष्ठानका महासचिव रवि राणाले स्वागत मन्तव्य सहित कार्यक्रमबारे प्रकाश पारेका थिए । प्रतिष्ठानका संरक्षक समेत रहेका कोमल विक्रम राणा उपस्थित कार्यक्रममा प्रतिष्ठानका अध्यक्ष एवम् कार्यक्रममा सभापति कविर राणाले प्रतिष्ठानको स्थापना  उद्देश्य र प्रजातन्त्र सेनानी समेत रहेकी आमाबारे बोल्दै आज राणा परिवार यो हैसियत र प्रतिष्ठान स्थापना गर्न सफल हुनुमा उनैको देन रहेको स्मरण गरे । उनले आमाको जन्म देखी वैवाहिक , पारिवारिक, हिरासतको यात्रा र राजनीतिक योगदानबारे पनि चर्चा गरे ।   उनले आमाकै प्रेरणाका कारण  आफू र आफ्नो परिवार लोकतन्त्रका लागि निरन्तर लड्दै आएको बताए ।  

संस्थाको सल्लाहकार र पुरस्कार सिफारिस समितिका सदस्य को तर्फबाट मन्तव्य व्यक्त गर्दै वरिष्ठ पत्रकार विरहीले  स्वर्गीय मीनकुमारी राणा सामाजिक तथा आध्यात्मिक कार्यमा अभिरुचि राख्ने हक्की र निडर स्वभावकी भएको स्मरण गर्दै  परोपकार र सेवाभाब उनको अर्को विशेषता रहेको चर्चा गरे । आमाकै प्रेरणा र दीक्षाबाट  प्रतिकूल परिबेसमा पनि विचलित नभई  सामाजिक , सांस्कृतिक तथा राजनीतिक क्षेत्रमा समर्पित भएर राणा परिवार लागेको विरहीले बताए ।  उनले पुरस्कृत त्रय अत्यन्त उत्तम पात्रहरू रहेको बताए । 

सम्बन्धित पोस्टहरू

नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।

हाम्रो टिम

ताजा खबर

@2024 – All Right Reserved. Designed and Developed by Ads Bee Media Pvt. Ltd.