Home समाचार दल विभाजनविरुद्ध उपेन्द्र यादवद्वारा सर्वोच्चमा रिट दर्ता

दल विभाजनविरुद्ध उपेन्द्र यादवद्वारा सर्वोच्चमा रिट दर्ता

by Ankushdaily
25 views

काठमाडौ ।

जनता समाजवादी पार्टी (जसपा)का अध्यक्ष उपेन्द्र यादवले आफ्नो पार्टीबाट विभाजन भई बनेको जनता समाजवादी पार्टीलाई मान्यता दिने निर्वाचन आयोगको निर्णय विरुद्ध सर्वोच्च अदालतमा रिट दर्ता गर्नुभएको छ ।

यादवले निर्वाचन आयोगले दलको न्युनतम सर्त र प्रक्रिया समेत पूरा नगरी राजनीतिक आग्रहका आधारमा दल विभाजित गरिदिएको आरोप लगाउँदै उक्त निर्णय बदर गर्न माग गर्नुभएको छ ।

उक्त रिट निवेदनमाथि जेठ २ गते सुनुवाई हुने भएको छ । यादव अमेरिका भ्रमणमा रहेको बेला अशोक राईको नेतृत्वमा सात सांसदसहित दल विभाजन भएको थियो । जनता समाजवादी पार्टी नामको पार्टीलाई निर्वाचन आयोगले तत्कालै मान्यता दिंदै दल दर्ता समेत गरिदिएको थियो ।

यादवले भने दल विभाजन सम्बन्धि ऐन नै नभएका बेला नियमावली देखाएर दल विभाजन गर्न नपाइने दाबी रिटमा गर्नुभएको छ ।

सम्बन्धित पोस्टहरू

नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।

हाम्रो टिम

ताजा खबर

@2024 – All Right Reserved. Designed and Developed by Ads Bee Media Pvt. Ltd.