ओलम्पिकमा फाइनल खेल्न बन्चित विनेश फोगाटले लेखिन्- अलबिदा कुस्ती!

विरगंज ।

पेरिस ओलम्पिकको फाइनलमा पुगेर बढी तौलका कारण अयोग्य घोषित भारतीय महिला कुस्तीबाज विनेश फोगाटले कुस्ती खेलबाटै बिदा लिएकी छन्।  

बुधबार पेरिस ओलम्पिकको ५० किलो तौल समूहको फाइनल भिड्न ठिक्क भएका बेला उनलाई तौल धेरै भएको भन्दै खेलबाट निकालिएको हो। 

पेरिस ओलम्पिकको फाइनलबाट बाहिरिएपछि फोगाटले सामाजिक सञ्जालमा भावुक सन्देश लेख्दै कुस्तीलाई अलबिदा भनेकी हुन्। 

फोगाटले लेखेकी छन्, ‘आमा! कुस्तीले मलाई जित्यो, म हारेँ। माफ गर्नुहोस्, तपाईंको सपना, मेरो साहस सबै टुट्यो। यसभन्दा बढी तागत रहेन अब मसँग।’ 

अगाडि लेखेकी छन्, ‘अलबिदा कुस्ती २००१–२०२४।!