मधेश प्रदेश क्रिकेट संघको तेश्रो बार्षिक साधारण सभा सम्पन्न

बीरगंज ।

मधेश प्रदेश क्रिकेट संघको तेश्रो बार्षिक साधारण सभा आइतबार बीरगंजमा सम्पन्न भएको छ । कार्यक्रममा मधेश सरकारका खेलकुद तथा सामाजिक मन्त्री प्रमोद जयसवालले क्रिकेटको बिकासको लागि मधेश सरकार सदैव साथ रहेको बताए ।

उनले मधेश प्रिमियर लिग तथा क्रिकेटका अन्य गतिबिधि संचालनकाकागि मधेश प्रदेश क्रिकेट संघसंग सहकार्य गर्ने जानकारी समेत गराए ।

कार्यक्रममा बीरगंज महानगरपालिकाका प्रमुख राजेशमान सिंहले ईलाइट कपलाई भब्यताका साथ सम्पन्न गर्न कुनै कसर बाकि नराख्ने बताए । उनले पर्सा क्रिकेट संघले गर्ने कार्यलाइ महानगरले सदैव साथ दिने प्रतिवद्धता ब्यक्त गरे ।

कार्यक्रममा पर्सा क्रिकेट संघका अध्यक्ष मनिष सिंहले मधेश प्रदेशका आठ जिल्ला उत्कृष्ट क्रिकेट खेलाडीद्वारा भरिएको बताए । उनले नयाँ खेलाडीहरुले आफनो दावेदारी पेश गर्न समेत आग्रह गरे ।

उनले नयाँ खेलाडीहरुलाई आवश्यक वतावरण बनाउनकालागि नेपाल क्रिकेट संघले आवश्यक पहल गर्नु पर्ने सुझाव ब्यक्त गरे । कार्यक्रममा मधेश प्रदेश क्रिकेट संघका सचिव आयुश श्रेष्ठले प्रस्तुत गरेको बार्षिक प्रगति प्रतिवेदन पेश गरेका थिए।

त्यसै गरी सचिव श्रेष्ठले पेश गरेको बार्षिक कार्यक्रम अनुसार मधेश प्रिमियिर लिगको आयोजना, ८ वटै जिल्ला बीच रातो बलले लामो क्रिकेटको प्रतियोगिता, उत्कृष्ट महिला तथा पुरुष खेलाडीलाई नगद सहित सम्मान लगायतको कार्यक्रम पेश गरेका थिए ।

कार्यक्रममा जिल्ला क्रिकेट संघ धनुषाका अध्यक्ष शोभाकान्त पाण्डेय, बाराका अध्यक्ष प्रभात चौरसिया, पर्साका अध्यक्ष मनिश सिंह तथा नेपाल क्रिकेट संघका पूर्व सदस्य दाउद अन्सारी लगायतले आफना मन्तव्य राखेका थिए ।

कार्यक्रमको अध्यक्षता मधेश प्रदेश क्रिकेट संघका अध्यक्ष सुनिल कुमार महासेठले गरेका थिए भने स्वागत मन्तव्य मधेश प्रदेश क्रिकेट संघका सदस्य शत्रुघ्न साहले ब्यक्त गरेका थिए।