कांग्रेसको १५औं महाधिवेशन पुस २६-२८ मा गर्ने निर्णय

काठमाडौँ ।

नेपाली कांग्रेसको १५ औं महाधिवेशन फागुन २१ गतेको चुनावअघि वा पछि भन्ने बिषयमा झण्डै डेढ महिनाको रस्साकस्सीपछि  महाधिवेशन आगामी पुस २६,२७ र २८ गते हुने भएको छ ।

आज बसेको केन्द्रीय कार्यसमिति बैठकले नियमित महाधिवेशन गर्ने निर्णय गरेको छ । बैठकले वडा अधिवेशन पुस १६ गते, पालिका अधिवेशन पुस १७ गते र प्रदेशसभा क्षेत्रीय अधिवेशन पुस १९ गते गर्ने निर्णय भएको नेपाली कांग्रेसका प्रवक्ता डा. प्रकाशशरण महतले जानकारी दिए ।

प्रतिनिधिसभा क्षेत्रीय अधिवेशन एउटा प्रतिनिधिसभा क्षेत्र भएको जिल्लामा पुस २२ गते र एक भन्दा बढी निर्वाचन क्षेत्र भएका जिल्लामा जिल्ला अधिवेशन पुस २२ गते गर्ने निर्णय गरेको छ ।