मधेसमा सरकार गठनका लागि सात दल आज दाबी पेश गर्दै

जनकपुर ।

मधेस प्रदेशमा नयाँ सरकार गठनका लागि सात राजनीतिक दलले संयुक्त रूपमा आज दाबी पेस गर्ने भएका छन्।

प्रदेश प्रमुख सुरेन्द्रलाभ कर्णले आज शुक्रवार साँझ ५ बजेसम्म दाबी पेस गर्न समय दिएका छन्। गठबन्धनको तर्फबाट भने दिउँसो २ बजे दाबी पेस गर्ने तयारी भएको जसपा नेपालका सांसद तथा पूर्व मुख्यमन्त्री सरोजकुमार यादवले जानकारी दिए।

‘मुख्यमन्त्री हुने व्यक्ति टुंगो भइसकेका कारण आज २ बजे दाबी पेस गर्न जान्छौँ,’ उनले भने।

गठबन्धनमा नेपाली कांग्रेस, जनमत पार्टी, नेकपा एस, नेकपा माओवादी केन्द्र, जसपा नेपाल, लोसपा र नागरिक उन्मुक्ति पार्टी सहभागी छन्।