रहबर अंसारी रास्वपा प्रवेश गर्ने तयारीमा, बारा-४ बाट ‘घण्टी’ बजाउने चर्चा

वीरगन्ज ।

मधेस प्रदेश सभा सदस्य रहबर अंसारीले राष्ट्रिय स्वतन्त्र पार्टी (रास्वपा) बाट आफ्नो आगामी राजनीतिक यात्रा अघि बढाउने संकेत देखाएका छन् । बिहीबार मात्रै नेपाली कम्युनिस्ट पार्टी (नेकपा) परित्याग गरेका अंसारी अब ‘घण्टी’ चुनाव चिन्ह लिएर मैदानमा उत्रिने चर्चा सुरु भएको हो।
पार्टी निकट स्रोतका अनुसार, अंसारीले रास्वपा प्रवेश गरी आउँदो फागुन २१ गते हुने प्रतिनिधि सभा निर्वाचनमा बारा क्षेत्र नम्बर ४ बाट उम्मेदवारी दिने तयारी गरिरहेका छन्।