टी–२० विश्वकप एशिया छनोट आजदेखि ओमानमा, नेपालको पहिलो भिडन्त कुवेतसँग

काठमाडौं ।

आईसीसी टी–२० विश्वकप एशिया तथा इस्ट एशिया प्यासिफिक छनोटका खेल आजदेखि ओमानमा शुरू हुँदैछन् ।

पहिलो दिन आज नेपाल कुवेतसँग भिड्दै छ । खेल नेपाली समयअनुसार राति पौने नौ बजे शुरू हुनेछ ।

नेपालले विश्वकप छनोटको समूह चरणमा कुवेतसँगै जापानसँग पनि खेल्नेछ । समूहको शीर्ष दुईमा रहने टोली सुपर–सिक्समा पुग्नेछ ।

सुपर–सिक्समा ६ टोलीमध्ये शीर्ष तीनमा पर्ने टोलीले आगामी वर्ष भारत र श्रीलङ्कामा हुने टी–२० विश्वकप खेल्न पाउनेछन् ।