मधेस प्रदेशको सभामुखमा रामआशिष यादवलाई बनाउने सहमति

विरगंज ।

मधेस प्रदेशको सभामुखका रूपमा रामआशिष यादव चयन हुने निश्चित भएको छ । सत्तारुढ दलहरूको बैठकले सभामुख पदका लागि यादवको नाममा सहमति जुटाएको हो ।

पूर्व मुख्यमन्त्री तथा जसपा संसदीय दलका नेता सरोज यादवले सभामुखका लागि रामआशिष यादवको नाम टुंगो लागेको जानकारी दिए । रामआशिष यादव जसपा नेपालका प्रदेशसभा सदस्य हुन् ।

मधेस प्रदेशमा आइतबार सभामुखको निर्वाचन हुँदैछ । निर्वाचन कार्यतालिकाअनुसार आज बिहान ११ बजेदेखि दिउँसो ३ बजेसम्म प्रदेशसभा सचिवालयमा उम्मेदवारी दर्ता गरिनेछ ।