अंकुश संवाददाता,
बिरगंज ।
दिपक चौरसियाले आफु माथि भएको आक्रमणको विरुद्धमा जय प्रकाश कुशवाहा उपर जिल्ला प्रहरी कार्यालय पर्सामा आईतबार अभद्र व्यवहारको जाहेरी दिएका छन् ।
जाहेरीमा गत २१ गते राती करिब १० बजेको समयमा उनको घर अगाडि जय प्रकाश कुशवाहा लगायतकाले आक्रमण गर्ने प्रयास गरी बेईज्जत हुने गरी आमाचकाली गाली गर्दा प्रहरीको टोली पुगी चौरसियालाई बचाउन सफल भएको उल्लेख छ । कुशवाहाले पत्रकार चौरसियाको मोबाईलमा फोन गरी धम्की दिएको अडियो रेकर्ड र अभद्र व्यवहार गरेको भिडियो फुटेज प्रमाणको रुपमा आफु संग सुरक्षित रहेको चौरसियाले बताए ।
कुशवाहा विरुद्ध जिल्ला प्रहरी कार्यालय पर्सामा अभद्र व्यवहारको मुद्दा परे पनि हालसम्म पर्सा प्रहरीले पक्राउ गर्न नसकेको प्रति समाजवादी प्रेस संगठन नेपाल मधेश प्रदेश समितिले आईतबार एक प्रेस विज्ञप्ती जारी गर्दै गम्भिर ध्यानाकर्षण भएको जनाएको छ । चौरसिया संगठन पर्साका कार्य समिति सदस्य हुन् ।
