6
काठमाडौं ।
संविधान सभा सदस्य जितेन्द्र नारायण देव नेपाल कम्युनिस्ट पार्टी (एमाले) परित्याग गरी पुनः नेपाली कांग्रेसमा फर्किएका छन् ।
मंगलबार एक विज्ञप्ति जारी गर्दै उनले नेपाली कांग्रेसको पछिल्लो राजनीतिक कार्यदिशा र गगन कुमार थापाको नेतृत्वमा रहेको केन्द्रीय कार्यसमितिप्रति पूर्ण ऐक्यबद्धता जनाउँदै आफू आधिकारिक रूपमा पुरानै पार्टीमा फर्किएको घोषणा गरेका हुन् । कांग्रेसको हालै सम्पन्न विशेष राष्ट्रिय महाधिवेशनले पारित गरेका नवीन नीति, योजना र रूपान्तरणकारी प्रतिबद्धताहरूलाई आत्मसात् गर्दै उनले यो निर्णय लिएको स्पष्ट पारेका छन् ।
विशेष महाधिवेशनबाट आएको अग्रगामी सोच र नयाँ नेतृत्वले पार्टीलाई मात्र नभई समग्र मुलुकलाई नै जनहित र सामाजिक-राजनीतिक रूपान्तरणको मार्गमा लैजाने दृढ विश्वास देवले व्यक्त गरेका छन् । यसअघि कांग्रेस छाडेर एमाले प्रवेश गरेका उनले एमालेको वर्तमान कार्यशैलीप्रति असन्तुष्टि जनाउँदै देशको बृहत्तर हितका लागि कांग्रेसको नवीन एजेन्डा नै अपरिहार्य रहेको उल्लेख गरेका छन् ।
