46
वीरगन्ज ।
राष्ट्रिय प्रजातन्त्र पार्टी (राप्रपा) पर्सा जिल्ला निर्वाचन क्षेत्र नं. ३ कार्यसमितिले आगामी प्रतिनिधि सभा निर्वाचनका लागि प्रत्यक्ष तथा समानुपातिक तर्फका उम्मेदवारहरूको नामावली सिफारिस गरेको छ।
पार्टीको केन्द्रीय संसदीय समितिको निर्णय र जिल्ला कार्यसमितिको परिपत्र अनुसार पुष ८ गते बसेको क्षेत्रीय कार्यसमितिको बैठकले उम्मेदवारहरूको नाम टुंगो लगाएको हो। आगामी २०८२ फागुन २९ गते हुने प्रतिनिधि सभा निर्वाचनका लागि प्रत्यक्षतर्फ केन्द्रीय उपाध्यक्ष रवीन्द्र मिश्र सहित ७ जनाको नाम सिफारिस गरिएको छ।
सिफारिस गरिएका अन्य नामहरूमा केन्द्रीय सदस्य अंगद ठाकुर, पूर्व केन्द्रीय सदस्य नगिना कुमार यादव, क्षेत्रीय अध्यक्ष नरेन्द्र प्रसाद चौरसिया, सुजित त्रिपाठी, चन्द्रिका सहनी र दिपेश साह रहेका छन्।
मधेशी महिला कोटाबाट प्रियंका कुमारी यादव
त्यस्तै, समानुपातिकतर्फ मधेशी पुरुष कोटामा मुकेश साह र मधेशी महिला कोटामा प्रियंका कुमारी यादव तथा गुडिया देवीको नाम सिफारिस गरिएको क्षेत्रीय अध्यक्ष नरेन्द्र प्रसाद चौरसियाले जानकारी दिनुभयो।
