ट्रम्प र सी जिनपिङबीच दक्षिण कोरियामा भेटवार्ता हुने

एजेन्सी ।

अमेरिकी राष्ट्रपति डोनाल्ड ट्रम्प र चिनियाँ राष्ट्रपति सी जिनपिङ बीच अक्टोबर ३० मा दक्षिण कोरियामा भेटवार्ता हुने निश्चित भएको छ।

ह्वाइट हाउसले पुष्टि गरे अनुसार, यो भेट अक्टोबर ३१ देखि नोभेम्बर १ सम्म हुने एशिया प्यासिफिक इकोनोमिक कोअपरेशन (एपेक) सम्मेलन सुरु हुनुभन्दा एक दिनअघि हुनेछ, जसमा राष्ट्रपति ट्रम्प पनि सहभागी हुँदैछन्। अमेरिका र चीनबीच बढ्दो व्यापारिक तनावका कारण यो भेटबारे पहिले अनिश्चितता भए पनि, ट्रम्पले पुनः राष्ट्रपति पद सम्हालेपछिको दुई नेताबीचको यो पहिलो प्रत्यक्ष भेट हुनेछ।

ह्वाइट हाउसका अधिकारीहरूका अनुसार, वार्तामा व्यापार, ऊर्जा सहकार्य, र युक्रेन युद्ध लगायतका महत्त्वपूर्ण विषयहरूमा छलफल हुने अपेक्षा गरिएको छ।