भारतीय प्रधानमन्त्री मोदीद्वारा रवि र बालेनसँग टेलिफोन संवाद, रास्वपाको सफलतामा दिए बधाई

विरगंज ।

भारतीय प्रधानमन्त्री नरेन्द्र मोदीले राष्ट्रिय स्वतन्त्र पार्टी (रास्वपा) का सभापति रवि लामिछाने र वरिष्ठ नेता बालेन्द्र शाह (बालेन) सँग टेलिफोन संवाद गर्दै निर्वाचनमा प्राप्त विजय र रास्वपाको उत्साहजनक सफलताका लागि बधाई ज्ञापन गर्नुभएको छ।

संवादका क्रममा प्रधानमन्त्री मोदीले आगामी नयाँ सरकारको सफल कार्यकालका लागि शुभकामना व्यक्त गर्दै दुई देशको आपसी समृद्धि, प्रगति र जनहितका निम्ति नेपालसँग निकट रहेर काम गर्ने भारतको प्रतिबद्धता दोहोर्‍याउनुभएको छ। सामाजिक सञ्जालमार्फत यो जानकारी साझा गर्दै उहाँले संयुक्त प्रयास र सहकार्यबाट आगामी वर्षहरूमा नेपाल–भारत सम्बन्धले नयाँ उचाइ हासिल गर्ने विश्वास समेत व्यक्त गर्नुभएको छ।

यस संवादलाई नेपालको नयाँ राजनीतिक नेतृत्वसँग भारतको कूटनीतिक सम्बन्ध सुदृढ बनाउने र द्विपक्षीय हितका क्षेत्रमा नयाँ शिराबाट अघि बढ्ने एक महत्वपूर्ण कदमका रूपमा हेरिएको छ।