9
स्पेनिस विंगर जेसे रोड्रिगुइज फ्रान्सेली च्याम्पियन पेरिस सेन्ट जर्मीनसँग आवद्ध भएका छन् । रियल मडि्रड र पेरिस सेन्टबीच जेसेका लागि २५ मिलियन पाउण्डमा सम्झौता भएको छ ।
पिएसजीले केहि सातादेखि जेसेप्रति आकर्षित थियो । प्रशिक्षक उनाइ एमरेले उनलाई अनुबन्ध गराउन सन् २०१३ मा सेभिया हुँदादेखिनै लागिपरेका थिए ।
जेसेसँगको अनुबन्धसँगै क्लवका लागि समर ट्रान्सफर अवधि सकिएको छ । उनका लागि पिएसजीले २५ मिलियन पाउण्ड तिरेको छ । उनको कागजी प्रक्रिया र स्वास्थ्य परिक्षण सुरु भइसकेको छ ।
रियलका प्रशिक्षक जिनेदिन जिदानेले पनि उनलाई सुरुवाती टोलीमा स्थान पाउने क्लवमा जान सुझाएका थिए । युरो २०१६ मा स्पेनिस टोलीमा स्थान बनाउन असमर्थ २३ बर्षीय जेसेलाई यसअघि रियलले लोनमा पठाउन लागेको चर्चा चलेको थियो ।
२०७३ साउन १९ गते १२:१८ मा प्रकाशित
